Грузия Online-ի փոխանցմամբ՝ Վրաստանի վարչապետ Վանո Մերաբիշվիլին այսօր հանդիպել է Վրաստանում գտնվող չինական պատվիրակության հետ: Կառավարական գրասենյակի հաղորդմամբ՝ չինական պատվիրակության կազմում են եղել Չինաստանի արտաքին առևտրի աջակցման խորհրդի ներկայացուցիչները:
Հանդիպման ժամանակ կողմերը քննարկել են երկկողմանի տնտեսական հարաբերությունների խորացման և Վրաստանի տնտեսության և հատկապես արդյունաբերական ու ֆինանսական ոլորտների մեջ չինական ներդրումների ծավալի ավելացման հարցերը:
Մերաբիշվիլին հատուկ ուշադրություն է հատկացրել վրացական գյուղատնտեսական արտադրանքը չինական շուկաներ հասցնելու և Վրաստանում չինացի զբոսաշրջիկների ներհոսքն ավելացնելուն աջակցելու, ինչպես նաև երկու երկրների միջև հաղորդակցության ուղիների ընդլայնման վրա: Կողմերը քննարկել են նաև չինական արտադրանքը դեպի Եվրոպա արտահանելու գործընթացում Վրաստանի տարածքի օգտագործման հարցը:
