Թեհրանում Ֆրանսիայի դեսպանատան մոտ 400 մարդ ցույցի է դուրս եկել: Մահմեդականներն իրենց բողոքն են արտահայտել ԱՄՆ-ում նկարահանված հակաիսլամական ֆիլմի առնչությամբ և ֆրանսիական ծաղրանկարների ամսագրում Մուհամմեդի ծաղրանկարները հրապարակելու դեմ:
Ակցիայի մասնակիցները բղավում էին. «Մահ ԱՄՆ-ին», «Մահ Իսրայելին», «Մահ Ֆրանսիային»: Ցույցը տեղի է ունեցել առանց միջադեպերի:
Միաժամանակ Պակիստանում հակաամերիկյան բողոքները հանգեցրել են մի քանի տասնյակ մարդկանց մահվան և բազմաթիվ մարդիկ վիրավորվել են: Հավելենք, որ Եվրոպայում այսօր ևս բողոքի ակցիաներ են տեղի ունեցել: