Սեպտեմբերի 24-ին ժամը 15:00-ին, Ավան և Նոր Նորք վարչական շրջանների ընդհանուր իրավասության դատարանում տեղի է ունենալու ՀՀ Ազգային ժողովի պատգամավոր, Ռուբեն Հայրապետյանի թիկնապահների և նրան պատկանող «Հարսնաքար» ռեստորանային համալիրի աշխատակիցների կողմից ՀՀ Զինված ուժերի սպա, մայոր Վահե Ավետյանի` ծանրացուցիչ հանգամանքներում կատարված սպանության և նրա ծառայակիցներին ու ընկերներին ծանր մարմնական վնասվածքներ հասցնելու դեպքի գործով հերթական դատական նիստը, որի ընթացքում «Վահե Ավետյան» հասարակական շարժումը կազմակերպում է պիկետ:
Դատարանի հասցեն` Երևան, Նոր Նորքի 4-րդ միկրոշրջան, Գյուլիքևխյան փող., 20 շենք
Նշենք, որ դատարանը նախորդ նիստի ժամանակ հաշվի առնելով, որ ամբաստանյալներից Արման Խաչատրյանը փաստաբան չունի, որոշում էր կայացրել դատական հաջորդ նիստը տեղափոխել, իսկ ամբաստանյալը խոստացել էր 2-3 օրում լուծել փաստաբանի հարցը:
