Իսպանիայի վարչապետ Մարիանո Ռախոյը տվել է բավական ոչ միանշանակ պատասխան այն հարցին, թե իր երկրին պե՞տք է արդյոք «հունական տիպի» հակաճգնաժամային նոր փաթեթ: Ավելի վաղ Մադրիդը պնդում էր, որ օգնությունն անհրաժեշտ է միայն բանկերին:
The Financial Times հրատարակության տվյալներով՝ Իսպանիայի իշխանությունները ԵՄ-ի հետ բանակցություններում քննարկում են ճգնաժամային իրավիճակից դուրս գալու նոր ծրագիր` ԵԿԲ-ի կողմից պարտատոմսերի գնման անսահմանափակ քանակության հարցը: Այս մասին հաղորդում է «Վեստի Էկոնոմիկան»:
Բանակցություններում ընդգծվում են միջազգային վարկատուների նոր պայմանները, որոնք պետք է որոշակիացվեն մինչ ծրագրի մասին հայտարարելը:
Միևնույն ժամանակ, անձամբ իսպանական իշխանությունները այնքան էլ խանդավառված չեն իրենց վրա պարտավորությունների նոր բեռ վերցնելու և եվրոպացի գործընկերներից կախվածությունն ուժեղացնելու ծրագրից:
Դեռ մի քանի շաբաթ առաջ Ռախոյը երկրի էկոնոմիկայի նախարար Լուիս դե Գինդոսին հանձնարարել էր հնարավորության սահմաններում խուսափել եվրոպական ծրագրերում մասնակցությունից կամ գոնե Եվրահանձնաժողովից «ստանալ» Իսպանիայի համար առավել շահավետ պայմաններ: