Սիրիայի հարցով ՄԱԿ-ի և ԱՊԼ-ի հատուկ բանագնաց Լահդար Բրահիմին, ով այցով գտնվում է Դամասկոսում, այսօր կհանդիպի երկրի նախագահ Բաշար Ասադի հետ:
Նախօրեին Բրահիմին բանակցություններ է վարել Սիրիայի ընդդիմության ներկայացուցիչների հետ: Մասնակիցները հանդիպումը որակել են արդյունավետ` հայտարարելով, որ իրենց ներկայացուցիչներին այսօր կուղարկեն Չինաստան, որը պաշտոնական Դամասկոսի դաշնակիցն է: Կանխատեսվում է, որ նրանք Պեկինին կոչ կանեն ճնշում գործադրել Ասադի վրա, որպեսզի վերջինս դադարեցնի բռնությունները, ազատ արձակի ձերբակալվածներին և թույլ տա բողոքի խաղաղ ցույցեր անցկացնել:
Ուրբաթ օրը Սիրիայի տարբեր քաղաքներում ավանդական ուրբաթօրյա հակակառավարական ցույցեր են տեղի ունեցել: Կառավարական օդուժը շարունակում է ռմբակոծել Հալեպի առանձին թաղամասեր:
Syrian Observatory for Human Rights իրավապաշտպան խմբի տվյալներոով` Սիրիայում սպանվել է ընդհանուր առմամբ 45 մարդ:
