Հինգշաբթի ԱՄՆ-ի նորանշանակ դեսպանն Ադրբեջանում` Ռիչարդ Մորնինգսթարը, կազմակերպել է առաջին պաշտոնական ընդունելությունը:
Հավաքվածները մեկ րոպե լռությամբ հարգել են նախորդ օրը Լիբիայի Բենղազի քաղաքում մահացած 4 ամերիկացի դիվանագետների հիշտակը:
Դեսպանը նշել է, որ Ադրբեջնի և ԱՄՆ-ի միջև կապն ամուր է և բազմակողմանի:
Նրա խոսքով` երկկողմանի հարաբերություններն ընդգրկում են այնպիսի ոլորտներ, ինչպիսիք են` անվտանգությունը, էներգետիկան և ներքին բարեփոխումները:
Մորնինգսթարը նշել է, որ Ադրբեջանը և ԱՄՆ-ը պետք է շարունակեն համատեղ գործունեությունը` կայունություն հաստատելու համար ոչ միայն տարածաշրջանում, այլև` աշխարհում: Նա բարձր է գնահատել Ադրբեջանի դերը ՄԱԿ-ի Անվտանգության խորհրդում:
Խոսելով Լեռնային Ղարաբաղի հարցով հակամարտության մասին` դեսպանն ասել է, որ այդ խնդրի լուծմամբ հետաքրքրված են բոլորը: Նա նաև նշել է, որ էներգետիկ ոլորտում համագործակցությունը նպաստում է տարածաշրջանային կայունությանը:
Դեսպանի խոսքով` ԱՄՆ-ը կշարունակի աջակցել Ադրբեջանի էներգետիկ ոլորտը:
Միջոցառմանը մասնակցել են Ադրբեջանի պաշտոնատար անձինք, պատգամավորներ, կրոնական գործիչներ և քաղական կուսակցությունների ղեկավարներ:
