Դոնեցկի «Շախտյոր»-ի և Հայաստանի ազգային հավաքականի ֆուտբոլիստ Հենրիկ Մխիթարյանը դարձավ ՈւԵՖԱ-ի` ամեն տարի հրատարակվող պաշտոնական գրքի հերոսներից մեկը:
Գրքում տեղ են գտել նաև այն 100 ֆուտբոլիստների անունները, որոնք տպավորիչ ելույթներ են ունեցել 2011/12թթ մրցաշրջանում: Մխիթարյանի մասին գրված է հետևյալը.
«Եվրո-2012-ի որակավորման փուլում ցուցադրած փայլուն խաղով Հայաստանն ապացուցեց, որ այլևս եվրոպական ֆուտբոլի ետնապահներից չէ: Երեք անընդմեջ տպավորիչ հաղթանակներ, այդ թվում` Սլովակիայի հավաքականի նկատմամբ` 4:0 հաշվով:
Հայաստանի հավաքականի կազմում գլխավոր հայտնությունը Հենրիկ Մխիթարյանն էր: Երիտասարդ կիսապաշտպանը գոլի հեղինակ դարձավ վերոգրյալ բոլոր 3 հանդիպումներում, ինչպես նաև Իռալդիայի հավաքականի հետ Դուբլինում կայացած խաղում:
«Շախտյոր»-ն անհաջող հանդես եկավ եվրոպական մրցասպարեզում, բայց դարձավ Ուկրաինայի չեմպիոն և գավաթակիր: Մխիթարյանն իր թիմի կազմում գլխավոր գործող անձանցից մեկն էր: