Այսօր CNN-ը ցույց է տվել, թե ինչպես է Twitter սոցիալական ցանցի միջոցով անտուն ամերիկացին գտել է դստերը, որին չէր տեսել 11 տարի:
58-ամյա Դանիել Մորալեսը (Daniel Morales) առաջին անգամ օգտվել է Twitter-ից երեք շաբաթ առաջ` New York City Rescue Mission ապաստարանի կազմակերպած բարեգործական ծրագրի շրջանակներում, ըստ որի` ԱՄՆ-ի անտուններին «ելք» էր տրվում ինտերնետի միջոցով:
Մորալեսը բլոգ է սկսել վարել «բոմժի կյանքի մասին» և տեղադրել է իր աղջկա նկարը` Սառա Ռիվեր անունով, Պուերտո Ռիկոյից, որին նա հույս է ունեցել գտնելու: Մորալեսը ԱՄՆ է եկել, իսկ դուստրը մնացել է մոր հետ, և հարազատների կապը կտրվել է 2000 թվականին: Որոշ ժամանակ անց Ռիվերի հետ է կապնվել «անտունի օրագիրը» կարդացած մի մարդ` տեսնելով իրեն ծանոթ աղջկա նկարը:
Հայր ու դուստր կարողացել են առաջին անգամ վերջին 11 տարվա ընթացքում հաղորդակցվել հեռախոսով` CNN-ի հարցազրույցի ժամանակ, որից հետո կազմակերպվել է նաև նրանց հանդիպումը Նյու Յորքում: Այդ ժամանակ Մորալեսը տեսել է նաև իր երկու թոռներին:
Մորալեսը, որն աշխատանքը կորցրել է 2010թ., հայտարարել է, որ կշարունակի ապրել ապաստարանում, սակայն այլևս չի կորցնի կապը հարազատների հետ:
