«Օրենքով նախատեսվում է, որպեսզի մանկական կերեր արտադրող ըներությունները իրենց արտադրանքի մասին ամբողջ ինֆորմացիան տրամադրեն բուժաշխատողներին, նրանք էլ` կերակրող մայրերին: Այս օրենքը մշակել է այս ոլորտում տեղեկատվության տրամադրման ինստիտուտը»,-այսօր լրագրողների հետ հանդիպման ժամանակ հայտնեց ՀՀ առողջապահության նախարարության աշխատակազմի ղեկավարի պաշտոնակատար Սուրեն Քրմոյանը` ներկայացնելով մինչև 6 ամսական երեխաների համար արհեստական կերերի գովազդն արգելող օրենքի նախագիծը:
Նրա խոսքով, կրծքով կերակրելը խրախուսելու համար ստեղծված օրենքի նախագիծը մշակվել է դեռ 5 տարի առաջ: Համաձայն օրենքի` արգելվում է բուժհաստատություններում գովազդել մանկական կերերը, բուժաշխատողներին էլ` խրախուսել այդ ընկերությունների արտադրանքը: Օրենքը նաև կարգավորում է կերակրող մայրերի համար աշխատանքի ժամանակ կերակրման ապահովման խնդիրները:
