Բրիտանացի փաստաբան Ջոնաթան Սամպշնը, ով պաշտպանում էր Ռոման Աբրամովիչին Բորիս Բերեզովսկու հետ դատավարության ժամանակ, Մեծ Բրիտանիայի փաստաբանական պրակտիկայի պատմության մեջ ռեկորդային հոնորար կստանա, հաղորդում են բրիտանական ԶԼՄ-ները:
Ինչպես հավաստում են Sunday Times-ի կիրակնօրյա հրատարակության նյութի հեղինակները, այդ գործում հաղթանակի համար Սամպշնին կստանա 7.8 միլիոն ֆունտ (12 միլիոն դոլար), որը մոտ 2 անգամ գերազանցում է նախորդ ռեկորդը:
Միաժամանակ պարտված կողմը պարտավոր կլինի վճարել այդ գործընթացի բոլոր փաստաբանական հաշիվները:
Ինչպես պնդում են հոդվածի հեղինակները, այդ գումարը որոշ գնահատականներով կարող է հասնել 100 միլիոն ֆունտի (160 միլիոն դոլար), հաղորդում է BBC-ն:
Հիշեցնենք, որ ուրբաթ օրը հայտնի է դարձել Բորիս Բերեզովսկու և Ռոման Աբրամովիչի միջև պայքարի ելքը, որը բռնկվել էր 2007 թվականին:
Լոնդոնի գերագույն դատարանը մերժել է վարկաբեկված գործարարի հայցային պահանջները, համաձայն որոնց՝ Չուկոտկայի նախկին նահանգապետը Բերեզովսկուն պետք է վճարեր 5.5 միլիարդ դոլար՝ որպես փոխհատուցում:
