Ստամբուլի 2012 թվականի շախմատային օլիմպիադայի վերջին տուրը շարունակվում է:
Վերջին տուրում Ռուսաստանի հավաքականը 3:1 հաշվով ջախջախեց Գերմանիայի ընտրանուն և պայքարն ավարտեց 19 միավորով:Հիշեցնենք, որ 10-րդ տուրից հետո Չինաստանի, Հայաստանի և Ռուսաստանի հավաքականները վաստակել էին 17-ական միավոր: Մեր ընտրանուն գերազանցում էին միայն չինացիները` լրացուցիչ ցուցանիշներով: Ինչպես արդեն տեղեկացրել ենք, Չինաստանի ընտրանին իր մրցապայքարն ավարտել է 2:2 հաշվով` ոչ-ոքի խաղալով Ուկրաինայի ընտրանու հետ:
Հայաստան – Հունգարիա մրցապայքարում հաշիվն առայժմ հավասար է` 1:1: Սերգեյ Մովսեսյանն ու Վլադիմիր Հակոբյանը դեռ չեն ավարտել իրենց պարտիաները:
