Ամերիկացի բռնցքամարտիկ Ջամիլ Մքքլեյնը ռուս բռնցքամարտիկ Մոգամեդ Աբդուսալամովի հետ մենամարտից առաջ կազմակերպված կշռման պաշտոնական արարողության ժամանակ ջարդել է կշեռքը: Մքքլեյնը կշռվել է միայն երկրորդ փորձից, իսկ քաշը կազմել է 120 կգ: Նա 16 կգ-ով ծանր է իր հակառակորդից:
Մքքլեյն-Աբդուսալամով մենամարտը կկայանա սեպտեմբերի 8-ին Մոսկվայում կայանալիք բռնցքամարտի երեկոյի ժամանակ, որի գլխավոր իրադարձությունը կլինի ՎիտալիԿլիչկո-Մանուել Չար մենամարտը:
Իր մարզական կարիերայի ընթացքում 42-ամյա Մքքլեյնն անցկացրել է 56 մենամարտ՝ տոնելով 41 հաղթանակ և կրելով 12 պարտություն: 3 մենամարտ ավարտվել է ոչ-ոքի:
31-ամյա Աբդուսալամովն անցկացրել է 15 մենամարտ և տոնել 15 հաղթանակ՝ բոլորը նոկաուտով: