128 մարդ, ովքեր հայազգի Լարի Գագոսյանի 11 թանգարաններում այցելել են Դեմիեն Հերսթի աշխատանքների ցուցադրությանը, սեպտեմբերի վերջին կստանան որպես նվեր նկարչի աշխատանքը՝ գունավերո կետիկներով:
Այս մասին սեպտեմբերի 6-ին հայտարարել է մրցույթի հաղթողներից Քրիստինան Ռուիսը The Art Newspaper-ին տված հարցազրույցում: Նրա խոսքով՝ հանձնարարությունը կատարած մարդիկ ստացել են նամակներ Գագոսայանի թանգարանի ներկայացուցչից, որտեղ հաղորդվում էր, որ Հերսթի նկարները՝ ստորագրված անձամբ նկարչի կողմից, կուղարկվեն հաղթողներին արդեն սեպտեմբերի վերջին:
Համաձայն մրցույթի կանոնների՝ որոնք ավելի վաղ հայտարարել էր բրիտանացի նկարիչը, մասնակիցները պետք է այցելեին Գագոսյանի բոլոր 11 թանգարանները, որտեղ 2012թ. հունվարի 12-ին ցուցադրվում էին նկարչի՝ գունավոր կետիկներով նկարների շարքը:
Գագոսյանի թանգարանները գտնվում են ամբողջ աշխարհում՝ Նյու Յորք, Լոնդոն, Աթենք, Հռոմ, Ժնև ու այլ քաղաքներում: Փետրվարի վերջի անվանվել էին 128 մարդկանց անունները, ովքեր կատարել էին նկարչի հանձնարարությունը:
Թանգարաններում ներկայացված էին շուրջ 300 նկարներ այն շարքից, որոնք արված էին գունավոր կետերով:
Ամենաթանկ նկարն այս շարքից վաճառվել էր 1998թ. 1.8 մլն ֆունտ ստեռլինգով:
