Կատալոնական «Բարսելոնա»-ի ու Արգենտինայի ազգային հավաքականի հարձակվող Լիոնել Մեսսին խոստովանել է, որ Արգենտինայի հավաքականի հետ հաջողության հասնելու մեծ ցանկություն ունի: Մեսսին հատկապես ցանկանում է հաղթել Բրազիլիայում կայանալիք Աշխարհի առաջնությունում:
«Ինձ հաջողվել է հաղթել թեˊ ակումբի կազմում, թեˊ անհատապես, բայց ոչ ավելին: Հուսով եմ՝ կհաղթենք Բրազիլիայում կայանալիք Աշխարհի առաջնությունում: Դա իմ երազանքն է: Մի փոքր խնդիրներ ունեցանք առաջնության մեկնարկում՝ Վենեսուելայի ու Բոլովիայի դեմ խաղերում: Սակայն հիմա ամեն ինչ ընթանում է ճիշտ հունով: Հաղթեցինք ընտրական երկու խաղերում ու երեք ընկերական խաղերում: Հուսով եմ՝ կկարողանանք շարունակել այսպես:
Աշխարհում լավագույնը լինելու համար պետք է փորձել լավագույնը լինել ամեն խաղին, ամեն մարզման ժամանակ: Կարծում եմ, որ Արգենտինայում ու «Բարսելոնա»-ում խաղալու համար պետք է լավագույններից լավագույնը լինել ամեն խաղում: Ինձ համար ամենաբարդ բանն ամեն անգամ Ռոսարիոյից հեռանալն է: Ոչինչ չի փոխվել ինձ մոտ՝ մանկության տարիների համեմատ: Թեև մի բան փոխվել է. ինձ հիմա ճանաչում են փողոցում»,- ասել է Մեսսին:
