Փետրվարի 24-ին` ժամը 14:20-ին, Գյումրիի Գյուլբենկյանի անվան վիրաբուժական հիվանդանոց է տեղափոխվել երկու տղամարդ: Ոստիկանության Շիրակի մարզի քննչական բաժնի ավագ քննիչ Վահրամ Բեյբությանի տեղեկատվությամբ, դեռ ճշտված չեն դեպքի հանգամանքները, պատճառներն ու տուժած անձանց ինքնությունը:
Ըստ նախնական տվյալների` երիտասարդներից մեկը` մոտ 25-27 տարեկան, հիվանդանոց է բերվել արդեն մահացած: Մյուս դանակահարվածը, ով մոտ 40 տարեկան է եղել, անմիջապես վիրահատվել է: Ըստ հիվանդանոցի գլխավոր բժիշկ Խաչատուր Կարապետյանի` տուժածի մոտ որովայնի թափանցող վերք էր:
Հիվանդի կյանքին այլեւս վտանգ չի սպառնում, վերքը լուրջ հետեւանքներ չի թողնի:
Շիրակի մարզի քննչական բաժնում փաստի առնչությամբ կատարվում է նախաքննություն: