ՆԱՏՕ-ի զինծառայողներն ամբողջությամբ դադարեցրել են Աֆղանստանում տեղի քաղաքացիներից զորակոչիկների ուսուցումը`տարածքային ոստիկանական ուժերի համար: Այս մասին այսօր հաղորդել է BBC-ն:
Սա չի վերաբերում գոյություն ունեցող աֆղանական ոստիկանական ստորաբաժանումներին, որոնց պատրաստման ծրագրերն արդեն ավարտվել են:
Վարժանքները դադարեցնելու որոշումն ընդունվել է անցած շաբաթ Աֆղանստանում ԱՄՆ կոնտիգենտի հրամանատարության և ՆԱՏՕ-ի մյուս երկրների կողմից: Միաժամանակ սկսվել է արդեն իսկ ծառայության մեջ գտնվող աֆղան ոստիկանների օրինապահության ստուգումը:
