Մարտի 20-ին Սյունիքի մարզի 6 համայնքում կայանալիք տեղական ինքնակառավարման մարմինների հերթական ընտրությունների թեկնածուների առաջադրման ժամկետն ավարտվեց փետրվարի 23-ին:
Կաղնուտի համայնքի ղեկավարի համար առաջադրվել են 2 հոգի` գործող գյուղապետ, ՀՀԿ անդամ Արթուր Հովհաննիսյանը և ոչ մի տեղ չաշխատող, ԲՀԿ-ական Կարեն Փարամազյանը:
Իսկ Շուռնուխի, Լորի և Որոտանի (Գորիսի տարածաշրջան) համայնքների ղեկավարների համար առաջադրվել են մեկական թեկնածուներ` գործող գյուղապետերը. Շուռնուխում առաջադրվել է Հակոբ Արշակյանը, Լորում` Դավիթ Առուստամյանը, Որոտանում`Սուրիկ Օհանջանյանը: Բոլորն էլ ՀՀԿ անդամներ են:
Բացի համայնքի ղեկավարի ընտրություններից` կկայանան նաև ավագանու անդամների ընտրություններ: Մասնավորապես, Նոր Աստղաբերդի համայնքի ավագանու համար առաջադրված հինգ թեկնածուն էլ անկուսակցական են, նրանցից 2-ը կին են:
Շուռնուխի համայնքի ավագանու համար առաջադրվել է 4 թեկնածու, որոնցից մեկը ՀՀԿ անդամ է, մյուսները` անկուսակցական:
Իսկ Սիսիանի տարածաշրջանի Որոտանի համայնքի ավագանու համար առաջադրված 8 թեկնածուներից 2-ը` ՀՀԿ անդամ են, 1-ը` ԲՀԿ մնացածները անկուսակցական են:
Երկու համայնքների ավագանիների թեկնածուներն էլ արական սեռի ներկայացուցիչներ են: