ՆԱՏՕ-ի կենտրոնակայանում կայացել է Վրաստան-ՆԱՏՕ հանձնաժողովի նիստ դեսպանների մակարդակով` նվիրված Վրաստանի ընտրական համակարգի բարեփոխումներին ու հոկտեմբերի 1-ին կայանալիք խորհրդարանական ընտրությունների նախապատրաստմանը: Այս մասին հայտնում է Trend գործակալությունը:
Վրաստանի ԱԳՆ-ի հաղորդագրության համաձայն` նիստը գլխավորել է դաշինքի գլխավոր քարտուղար Անդերս Ֆոգ Ռասմուսենը:
Վրացական պատվիրակությունը գլխավորել է ՆԱՏՕ-ում Վրաստանի մշտական ներկայացուցիչ Գրիգոլ Մղալոբիշվիլին, կազմում եղել են արդարադատության նախարարի առաջին տեղակալ Թինա Բուրջալիանին, եվրոպական ու եվրատլանտյան կառույցի ինտեգրման հարցով պետնախարարի առաջին տեղակալ Էլենե Խոշտարիան:
Դաշինքի անդամները դրական գնահատական են տվել Վրաստանի ձեռքբերումներին դեմոկրատական բարեփոխումների ոլորտում ու ընդգծել ազատ ու արդար ընտրությունների անցկացման կարևորությունը: