Հայազգի աստղը իր զգեստապահարանի այն հագուստները, որոնք մերժվել են ռեփեր ընկերոջ՝ Քանյե Ուեսթի կողմից, հանել է eBay օնլայն աճուրդի: Այս մասին հաղորդում է The Daily Mail-ը:
Եթե այդ հագուստների վերաբերյալ Ձեր կարծիքը չի համընկնում Քանյեի հետ, ապա արդեն կարող եք գին առաջարկել «քարդաշյանական իրերի» աճուրդում:
Քարդաշյանի զգեստների մեծ մասը բրենդային են (Alexander McQueen, Roland Mouret, Dolce & Gabbana, Lanvin և Thierry Mugler): Վաճառքում են նաև նրա կոշիկները (36-37 չափսի):
Ավելի վաղ Քիմը Twitter միկրոբլոգների իր էջում գրել էր, որ աճուրդից ստացված գումարի 10 տոկոսը տրամադրվելու է եկեղեցուն՝ որպես բարեգործություն:
Աճուրդային տենդը վարակել է նաև նրա քրոջը՝ Քորթնիին: Նա 99 ցենտ մեկնարկային գնով աճուրդի է հանել զգեստապահարանի՝ հղիության ընթացքում ունեցած հագուստները:
