Ferretti-ի խումբը, որը հայտնի է այնպիսի հռչակավոր անձանց համար զբոսանավերի կառուցմամբ, ինչպիսիք են Բրիջիտ Բարդոն ու Շոն Քոներին, մտադիր է նավաշինարան կառուցել Չինաստանում, քանի որ նրա նոր` չինացի սեփականատերը մտադիր է հայրենական շուկայում նպաստել իր արտադրատեսակի զարգացմանը: Այս մասին հայտնում է Bloomberg-ը:
Նավաշինարանը կկառուցվի Ցինդաո քաղաքում, որը գտնվում է Շանդուն արևելյան նահանգում:
Ferretti-ին չինական SHIG-Weichai Group-ի կողմից ձեռք էր բերվել ընթացիկ տարվա հունվարին: Գործարքի գումարը կազմել էր 178 մլն եվրո: ԸՆկերությունը մտադիր է իր ուշադրությունը բևեռել զարգացող երկրների վրա` Չինաստան, Բրազիլիա և Ռուսաստան:
