Իտալական «Ֆիորենտինա»-ի կենտրոնական պաշտպան Մատիա Նաստիսիչը հայտնվել է անգլիական «Մանչեսթեր Սիթի»-ի ուշադրության կենտրոնում:
Նախքան տրանսֆերային պատուհանի փակվելը «Սիթի»-ն ցանկանում է ուժեղացնել կենտրոնական պաշտպանության գոտին, այդ իսկ նպատակով էլ բանակցություններ է վարում իտալական կողմի հետ՝ 19-ամյա ֆուտբոլիստի տրանսֆերը ձեռք բերելու համար: Խաղացողի իրավունքների արժեքը, ըստ The Telegraph-ի, կազմում է 12 միլիոն ֆունտ:
Ենթադրվում է, որ այս գործարքի բաղադրիչ կարող է դառնալ «Քաղաքաբնակներ»-ի ֆուտբոլիստ Ստեֆան Սավիչը:
Բացի դա՝ անգլիական ակումբը պատրաստվում է անել հնարավորը «Ռոմա»-ի ֆուտբոլիստ Դանիելե դե Ռոսիի տրանսֆերը մինչև օգոստոսի 31-ը ձեռք բերելու համար:
Ավելի վաղ հայտարարել էինք, որ ընթացիկ տրանսֆերային պատուհանի ժամանակ «Սիթի»-ն պատրաստ է ծախսել 60 միլիոն ֆունտ:
