«Քաղաքը մերն է» քաղաքացիական նախաձեռնությունից Գյումրու Ավագանու անդամության 7 թեկնածուները տարածել են հայտարարություն այն մասին, որ օրենքով սահմանված կարգով բացել են իրենց նախընտրական հիմնադրամները: Հաշվեհամարները բացվել են ВТБ բանկում, դրանք դրամային են և անհատական: Թեկնածուներ Կարեն Տերտերյանը, Կարեն Պետրոսյանը, Գևորգ Պետրոսյանը, Կարինե Մկրտչյանը, Վահան Թումասյանը, Արտաշես Բոյաջյանը և Լևոն Բարսեղյանը դիմել են բոլոր նրանց, ովքեր իրենց ֆինանսական օժանդակությունն են ուզում ցուցաբերել «Քաղաքը մերն է» քաղաքացիական նախաձեռնության քարոզարշավին և նպաստել բարեփոխման ծրագրին, առաջարկելով իրենց ֆինանսական օժանդակությունները ցուցաբերել հիմնադրամներին:
«Դուք, ցանկության դեպքում, կարող եք Ձեր նվիրատվություններն անել այս թեկնածուներից մեկի (կամ` մեկից ավելի թեկնածուների) հաշվեհամարին: Հավաքված գումարները ծախսվելու են քարոզարշավի համար: Թեկնածուները հաշվետվություններ են ներկայացնելու օգոստոսի 30-ին և սեպտեմբերի 11-ին ինչպես Կենտրոնական ընտրական հանձնաժողովին, այնպես էլ` հանրությանը: Հրապարակվելու են օժանդակողների նշած անուն-ազգանունները, գումարի չափը, ժամանակը, ծախսման ուղղություններն ու ծավալները: Նվիրատվություններ անել կարող են միայն ֆիզիկական անձինք: Կանխավ շնորհակալություն ցանկացած չափի օժանդակության համար»-ասվում է հայտարարության մեջ:
«Քաղաքը մերն է» քաղաքացիական նախաձեռնությունից Գյումրու Ավագանու անդամության 7 թեկնածուների բանկային հաշվեհամարներն են.
Կարեն Տերտերյան. 160 870 134 67500
Կարեն Պետրոսյան. 160 130 315 48600
Գևորգ Պետրոսյան. 160 130 315 57700
Կարինե Մկրտչյան. 160 130 315 56900
Վահան Թումասյան. 160 131 099 34501
Արտաշես Բոյաջյան. 160 130 315 35300
Լևոն Բարսեղյան. 160 130 315 32000
