Իսպանական «Բարսելոնա»-ի գլխավոր մարզիչ Տիտո Վիլանովան «Օսասունա»-ի հետ հանդիպումից հետո խոսել է իր և մրցավարի միջև եղած միջադեպի մասին:
Նշենք, որ մարզիչը հեռացվեց մրցավարի գործողություններին չհամաձայնելու պատճառով:
«Ուղղակի եզրայինին ասում էի, որ բացահայտ կանոնների խախտում է եղել մեր ֆուտբոլիստի հանդեպ: Նա ինձ ասաց, որ այլևս չբողոքեմ: Ես նրան պատասխանեցի՝ ոչ մի բողոք, ուղղակի ակնառու կանոնների խախտումն եմ ընդգծում: Էթիկայի սահմաններից դուրս ես ոչինչ չեմ ասել: Սակայն Լա Լիգայի մարզչական անձնակազմը մրցավարին զգուշացրեց, վերջինս էլ հեռացրեց ինձ պահեստայինների նստարանից»,- ասել է Վիլանովան:
