ԱՄՆ-ը խորապես անհանգստացած է Բելառուսում տեղի ունեցող իրադարձություններով, այդ թվում՝ այդ երկրի իշխանությունների կողմից Շվեդիայի դեսպանին արտաքսելու որոշմամբ: Այս մասին հայտարարել է ԱՄՆ պետքարտուղարության պաշտոնական ներկայացուցիչ Պատրիկ Վենտրելը:
Պետքարտուղարության կայքում տեղադրված հաղորդագրության մեջ ասվում է, որ այդ միջոցառումերը հանգեցնում են Բելառուսի հետագա մեկուսացմանը:
Իր ուղերձում ԱՄՆ-ը կրկին կոչ է անում Բելառուսին անհապաղ ազատ արձակել բոլոր քաղբանտարկյալներին, ինչպես նաև վերջ դնել քաղաքացիական հանրության և ժողովրդավարական ընդդիմության ճնշումներին:
Հիշեցնենք. հուլիսի սկզբին շվեդական ինքնաթիռից խոսքի ազատության պաշտպանության կարգախոսերով թռուցիկներ էին ուղարկվել Մինսկ: Դրանից հետո Բելառուսում ձերբակալվել էր մի քանի մարդ:
