Ուեյդ Մայքլ Փեյջը, որն օգոստոսի 5-ին Վիսկոնսին նահանգի սիկհերի տաճարում հրաձգությամբ 6 մարդու էր սպանել, նեոնացիստների շրջանում հայտնի է եղել որպես երաժիշտ: Այս մասին հաղորդում է The Los Angeles Times-ը:
The Daily Beast-ի տեղեկություններով՝Փեյջը հիմնել է նեոնացիստական End Apathy և Definite Hate ծանր ռոք խմբերը, որոնց երգացանկերում են այնպիսի երգեր, ինչպիսիք են «Ինքաոչնչացումը», «Ստորացումը» և «Վարակված աշխարհը»:
Այդ խմբերի կազմում Փեյջը մասնակցել է թեմատիկ երաժշտական փառատոնների, օրինակ Բալթիմորի Artist Uprise Fest-ին և Ջորջիայի Hammerfest-ին:
Ոստիկանությունը ենթադրում է, որ Վիսկոնսինում տեղի ունեցածի հիմքում ազգայնական դրդապատճառներն են:
