Նման վերտառությամբ անդրադարձ է հրապարակել The Daily Beast-ը: Օլիմպիական մարզիկները հեռուսատէկրաններին են, ակտիվորեն պայքարում են՝ մեդալ նվաճելու համար, մինչդեռ սեռական փոքրամասնությունները հիանում են նրանց մարմիններով ու ակտիվ քննարկումներ ծավալում սոցիալական մեդիայում:
Լողորդ կիսամերկ տղամարդկանց ցուցադրումը (որոնց մարմնից ջուր է ծորում և նրանց շնչառությունը ծանրացած է) ոչ թե պոռնոգրաֆիկ հեռուստաալիք է գեյերի համար, այլ պարզապես օլիմպիական լողի մրցումներ են:
Օլիմպիադայի ընթացքում այդ մկանուտ տղամարդիկ «երջանիկ» են դարձնում կանանց և գեյերին: Նույնը կարելի է ասել կին մարզուհիների մասին, որոնք տղամարդկանց և լեսբուհիների համար երազանքի առարկա են:
Ոսկե մեդալակիր ամերիկացի լողորդներ Ռայան Լոխտեն և Նատան Ադրիանը հայտի են դարձել մրցումներում տարած հաղթանակով, սակայն սեքս-խորհրդանիշեր նրանք դարձել են այն պահին, երբ առաջին անգամ դուրս են եկել լողավազանից:
Գրավչության նոր չափանիշի պատճառը մասնավորապես սոցցանցերի արագ զարգացումն է: 2008 թվականին Պեկինի Օլիմպիադայի ժամանակ Twitter-ն ուներ 6 միլիոն, իսկ Facebook-ը՝ 100 միլիոն օգտատեր, իսկ ներկայումս ցուցանիշը կազմում է համապատասխանաբար 500 և 955 միլիոն: 2008 թվականին դեռ չէր գործում գեյերի Grindr սոցիալական ցանցը, որը թույլ է տալիս մոտակայքում գտնվող զուգընկերներին փնտրել:
Նյու-Յորքի OW! գովազդային ընկերության ղեկավար Թոմաս Օնորատոն, որը գեյ է հանդիսանում, հայտնել է, որ տարիներ շարունակ ինքը հետևել է, թե ինչպես է գեյ հասարակությունը ակտիվ աջակցում լողորդներին, ըմբիշներին և այլ մարզիկների, պարզապես ներկայումս ակտիվությունը մեծացել է՝ շնորհիվ սոցցանցերում ակտիվ քննարկումների: Նույնիսկ չեզոք մարզաձևերը, ինչպիսին է օրինակ տղամարդկանց մարմնամարզությունը, 2-3 սեքս-խորհրդանիշ են ի հայտ բերել:
