Չեմպիոնների Լիգայի կիսաեզրափակչի «Բավարիա»-ի հետ հանդիպմանը Ռոնալդուին չհաջողվեց իրացնել հետխաղյա 11 մետրանոց հարվածը: Այնուհետև հաջողությունը նրանից երես թեքեց նաև «Եվրո-2012»-ի ժամանակ:
«Նախորդ մրցաշրջանում շատ տխուր պահեր եմ ապրել: Նախ դա Չեմպիոնների Լիգայի կիսաեզրափակիչն էր, երբ ես պնդեցի, որ առաջինն իրացնեմ հետխաղյա 11 մետրանոցը և վրիպեցի: Իսկ հետո` «Եվրո-2012»-ի ժամանակ որոշեցի վերջինը մոտենալ՝ 11 մետրանոց հարված իրացնելու, սակայն հերթն ինձ այդպես էլ չհասավ:
Կարծում եմ` 11 մետրանոց հարվածն ուղիղ կապ ունի հաջողության հետ: Այն կարծես լոտո լինի, և վարպետությունն այստեղ չի պահանջվում»,- իր խոսքն է եզրափակել «Ռեալ»-ի ֆուտբոլիստը
