Սիրիայի կառավարությունն ափսոսանք է հայտնել, որ ՄԱԿ-ի և Արաբական պետությունների լիգայի (ԱՊԼ) հատուկ բանագնաց Քոֆի Անանը հեռացել է պաշտոնից:
Սիրիայի ԱԳ նախարարի հայտարարության մեջ ասվում է, որ իրենք միշտ էլ կողմ են եղել Անանի ծրագրին, և որ սիրիական ճգնաժամից հնարավոր է դուրս գալ միայն խաղաղ ճանապարհով: Նրա հայտարարության տեքստը մեջբերում են համացանցային ԶԼՄ-ները:
Հիշեցնենք. նախօրեին հայտնի դարձավ, որ Սիրիայի հարցով ՄԱԿ-ի և Արաբական պետությունների լիգայի (ԱՊԼ) հատուկ բանագնաց Քոֆի Անանը հեռացել է պաշտոնից: Այս մասին հայտարարել էր ՄԱԿ-ի գլխավոր քարտուղար Պան Գի Մունը:
Նշենք, որ այսօր ՄԱԿ-ի Գլխավոր ասամբլեայում քվեարկության կդրվի Սիրիայի հակամարտության կարգավորման նախագիծը:
