Չինաստանի դատարանը վճիռ է կայացրել երկրի արևմտյան շրջանների 20 անջատողականների գործով, որոնք համացանցում իրենց գաղափարներն են քարոզել և «սրբազան պատերազմի» կոչեր արել, ինչպես նաև պայթուցիկ սարքեր են պատրաստել: Այս մասին հաղորդում է Agence France-Presse-ը՝ վկայակոչելով պետական ԶԼՄ-ները:
Նրանց ազատազրկման առավելագույն ժամկետը 15 տարի է: Դատավորները վճռել են, որ կասկածյալները ահաբեկչական դաժան գործողություններ են պատրաստել, ստեղծել են կազմակերպված ահաբեկչական խմբավորում, ինչպես նաև կրոնական ատելություն սերմանող նյութեր են տարածել:
Դատապարտյալների ազգությունը չի հաղորդվում, սակայն, ինչպես նշում է Reuters-ը, դատելով նրանց անուններից՝ նրանք ույղուրներն են: Դատվճիռները կայացվել են Ուրումչո, Քաշղար և Ակսու քաղաքներում: Դրանք բոլորն էլ գտնվում են Սինցզյան-ույղուրական ինքնավար մարզում:
Դատավճռի կայացումն անմիջապես քննադատության տեղիք է տվել ույղուրական հասարակության կողմից:
Սինցզյան-ույղուրական ինքնավար մարզում ապրում է 10 մլն ույղուր, ինչը կազմում է տարածաշրջանի բնակչության մոտ կեսը: Ույղուրների և տեղի ոստիկանության միջև հաճախակի բախումներ են տեղի ունենում. Մուսուլմանները տեղի իշխնաություններին մեղադրում են իրենց նկատմամբ ճնշումների մեջ:
