Իտալական ակումբի ղեկավարությունը պայմանավորվածություն է ձեռք բերել չինական խոշոր ներդրողի հետ թիմի բաժնետոմսերի մի մասի վաճառքի վերաբերյալ: Չինական ընկերությունը կդառնա ակումբի երկրորդ ամենամեծ բաժնետերը ու ներդրում կանի՝ նոր մարզադաշտի շինարարության համար: Այս մասին պաշտոնական հայտարարություն է արված նաև իտալական ակումբի պաշտոնական կայքում, իսկ ակումբի բաժնետոմսերի ամենազգալի մասը կրկին շարունակում է պատկանել Մորատիների ընտանիքին:
Ըստ իտալական հեռուստատեսության՝ չինական ընկերությունը ձեռք է բերել բաժնետոմսերի 20 տոկոսը, որի համար նրանք վճարել են 200 միլիոն եվրո: Չինական ընկերությունը «Չինական երկաթուղային շինարարություն» կորպորացիայի խոշորագույն ստորաբաժանումներից է:
Բաժնետերերը նախատեսում են կառուցել նոր մարզադաշտ, որը պատրաստ է լինելու 2017 թվականին:
