Volkswagen գերմանական ավոտմոբիլային կոնցեռնը ավարտել է մարզական Porsche մեքենաներ արտադրողի հետ միաձուլման գործընթացը: Volkswagen-ը 4,49 միլիարդ եվրոյով ձեռք է բերել Porsche –ի բաժնետոմսերի 50,1%-ը:
2011 թվականին Volkswagen-ը ողջ աշխարհում վաճառել է 8,3 մլն ավտոմեքենա՝ զիջելով միայն ամերիկյան մրցակից General Motors-ին:Գերմանական ընկերության տարեկան շրջանառությունը կազմել է 159 միլիարդ եվրո և ստացել ռեկորդային՝ 15,8 մլրդ եվրոյի շահույթ: Նման ցուցանիշը կապված է Porsche 911 և Cayenne մակնիշի ավտոմեքենաների վաճառքի հետ: Այս մասին հայտնում է Gazeta.ru-ն:
Միաձուլումը տեղի է ունեցել այն բանից հետո, երբ Porsche-ն հաղորդել է, որ իր շահույթը 2012-ի առաջին վեց ամիսներին կազմել է 1,15 միլիարդ եվրո, ինչը 8 անգամ գերազանցում է անցած տարվա նույն ժամանակահատվածի ցուցանիշը:
Գործարքի արդյունքում ընկերությունները մտադիր են ավելի քան 700 մլն եվրո տնտեսել արտադրության և վաճառքի խթանման վրա,ինչպես նաև կլուծեն Porsche-ի՝ 2,5 միլիարդ եվրոյի հասնող պարտքը:
«Ընկերությունների միաձուլումը ձեռնտու է Volkswagen-ին և Porsche-ին, ինչպես նաև Գերմանիայի՝ որպես արդյունաբերական երկրի համար»,-դեռևս հունիսին հայտրարել էր եվրոպական խոշոր ավտոարտադրողը:
