Թուրքական Doğan լրատվական գործակալության փոխանցմամբ՝ Թուրքիայի վարչապետ Ռեջեփ Էրդողանը Ռամադանի կապակցությամբ իր շնորհավորական ելույթի ժամանակ անդրադարձել է Սիրիայի խնդրին.
«Անգամ Ռամադանի ժամանակ Սիրիայում չի դադարում արյունահեղությունը: Սիրիայի իշխող կենտրոնը ամենածանր զենքերն է ուղղել իր ժողովրդի օրինական պահանջների ու ցանկությունների դեմ՝ իրականացնելով սպանդ: Համայից, Հոմսից ու Դերաայից հետո ռեժիմի թիրախում է հայտնվել Հալեպը, որը ցամաքից ու օդից գնդակոծվում է:
Սակայն Ասադի ու նրա՝ ձեռքերն արյունոտ ընկերների վերջը գալու է; Նրանք ոչնչով չեն տարբերվի իրենցից առաջվա բռնապետերի ճակատագրից: Սիրիայի ժողովուրդը հաղթանակ կտանի: Տարածաշրջանային զարգացումներն ազդում են Թուրքիայի նման մեծ և ուժեղ պետության վրա: Մենք Սիրիայի հետ ունենք ամենաերկար սահմանը: Մենք Սիրիայի հետ ունենք ընդհանուր պատմություն, ընդհանուր մշակույթ և ընդհանուր հավատք:
Մերձավորարևելյան ամեն զարգացում, ամեն ճգնաժամ, ամեն հարց անմիջականորեն առնչվում է մեզ, մեր երկրին, մեր ազգին, մեր տնտեսությանը: Այդ պատճառով էլ մենք չեն կարող լռություն պահպանել և անտարբեր հետևել այդ զարգացումներին»:
