Թունիսի և Եգիպտոսի քաղաքացիները ցույց տվեցին, որ չեն ցանկանում ապրել բռնապետական առաջնորդների լծի տակ և նրանց համբերության բաժակն արդեն լցվել է: Այս մասին ամերիկան International Herald Tribune թերթում տպագրված հոդվածում ասել է նախկին ԽՍՀՄ ԿԿ գլխավոր քարտուղար և Խորհրդային միության առաջին ու վերջին նախագահ Միխայիլ Գորբաչովը:
Գորբաչովն ասել է, որ Եգիպտոսի հեղափոխությունը կարող է դաս հանդիսանալ ամբողջ աշխարհի համար: Միևնույն ժամանակ նա նշել է, որ նրանք, ովքեր իրականացնում են Եգիպտոսի բարեփոխումները, մեծ պատասխանատվություն են կրում:
ԽՍՀՄ նախկին նախագահի խոսքերով, առավել կանխատեսելի է աշխարհի մուսուլմանների արձագանքը Եգիպտոսի իրադարձությունների նկատմամբ: Նա հիշեցնում է, որ շատ իսլամական երկրներում արվել են «սադրիչ և անպատասխանատու հայտարարություններ»:
Սակայն «իսլամը քանդող ուժ չի հանդիսանում, այն պահպանում է խաղաղությունն ու սոցիալական արդարությունը », – ընդգծում է Մ.Գորբաչովը:
Հարց բարձրացնելով Եգիպտոսի նախկին նախագահ Հոսնի Մուբարաքի մասին` Գորբաչովն ասել է, որ նա քիչ բան չի արել Մերձավոր Արևելքում խաղաղության ստեղծման համար:
Եգիպտոսի նախկին նախագահի հետ հանդիպումների ժամանակ Գորբաչովը տեսել է, որ «նա կամքի և բնավորության տեր մարդ է»: Սակայն ԽՍՀՄ նախկին նախագահն ընդունում է, որ շատ եգիպտացիներ Մուբարաքի խոստումների մեջ տեսնում էին միայն ժամանակ ձգելու մտադրություն: