Հետազոտողները վերլուծել են նավաբեկության ժամանակ ուղևորների ողջ մնալու պատմական տվյալները և հաստատել են, որ կանանց և երեխաների առավելություն նման դեպքերում ընդհանրապես չկա:
Վերլուծությունը հրապարակված է Proceedings of the National Academy of Sciences ամսագրում, իսկ այնտեղից մեջբերում է արել Agence France-Presse-ը:
Հետազոտողները փնտրել են տվյալներ 18 նավաբեկություններից փրկվածների մասին, որոնք տեղի են ունեցել անցած 300 տարիների ընթացքում: Ընդհանուր առմամբ հետազոտության հեղինակները հետևել են 15 հազար մարդու կյանքին և սահմանել են, թե որքան է տարբեր սեռերի և սոցիալական խմբերի փրկվելու հավանականությունը նավաբեկության ժամանակ:
Պարզվել է, որ նավաբեկության ժամանակ տղամարդիկ երկու անգամ ավելի հաճախ են ողջ մնում, քան կանայք: Երեխաների փրկվելու հավանականությունը կազմում է ընդամենը 15%:
Նավերի հրամանատարները և անձնակազմն ավելի հաճախ է ողջ մնում, քան տղամարդ-ուղևորները:
Հետաքրքիր է, որ այս հետազոտության մեջ բացառություն է կազմել Տիտանիկ նավը, որի հրամանատարը հրամայել է նավակների մեջ առաջին հերթին տեղավորել կանանց և երեխաներին, իսկ ականատեսները վկայում են, որ այդ հրամանը անձնակազմը կատարել է զենքը ձեռքին: Այս դեպքում կանանց փրկվելու հնարավորությունը կազմել է 70%, իսկ տղամարդկանցը` 20%:
