Ինչպես հաղորդում է AFP-ն, BP նավթագազային ընկերությունը 2012թ. երկրորդ կիսամյակում կրել է 1.4 մլրդ դոլարի կորուստ:
Համեմատության համար նշենք, որ անցած տարի ընկերության եկամուտը կազմել է 5.6 մլրդ դոլար: Բացասական արդյունքը հիմնականում բացատրվում է որոշ ամերիկյան ակտիվների արժեքների դուրսգրմամբ:
Բացի այդ` կորստի վրա իր ազդեցությունն է թողել նաև համաշխարհային շուկայում նավթի ու գազի գների նվազումը, ինչպես նաև արդյունահանման ծավալների կրճատումը:
BP-ն մինչ օրս եկամուտ չի ստանում` կապված 2010թ. Մեքսիկական ծոցում Deepwater Horizon պլատֆորմում վթարի փոխհատուցման հետ:
Ընկերությունը ստիպված է վաճառել ակտիվներն ամբողջ աշխարհում: Մինչև տարեվերջ նախատեսվում է իրացնել ընդհանուր առմամբ 38 մլրդ դոլարի գույք: Ներկայում ակտիվների վաճառքից ստացված գումարը հասել է 24 մլրդ դոլարի:
