ԵԱՀԿ գործող նախագահ, Լիտվայի արտգործնախարար Անդրոնյուս Աժուբալիսը հանդիպումներ է ունեցել ԱՄՆ պետքարտուղար Հիլարի Քլինթոնի և ամերիկյան վարչակազմի մի շարք բարձրաստիճան պաշտոնյաների հետ,- տեղեկացնում է day.az-ը:
Աժուբալիսը ընդգծել է, որ Լիտվան ընդունում է ԵԱՀԿ բոլոր սկզբունքները, հատկապես՝ սառեցված հակամարտությունների կարգավորման հարցում:
Հանդիպումների ժամանակ քննարկվել են սառեցված հակամարտությունների բանակցային գործընթացներում արձանագրված առաջընթացները: Աժուբալիսը հայտարարել է, որ իր նախագահության շրջանում մտադիր է ուշադրությունը կենտրոնացնել Հարավային Կովկասի խնդիրների վրա, մասնավորապես՝ ԵԱՀԿ-ն մտադիր է ակտիվ աշխատել ժնևյան բանակցությունների շրջանակներում վրացական հակամարտությունների գոտիներում անվտանգության ամրապնդման և մարդասիրական պահանջների բավարարման համար:
Իսկ Ղարաբաղյան հակամարտության կարգավորման հարցում ԵԱՀԿ Մինսկի խմբի համանախագահները պետք է ակտիվորեն աշխատեն կողմերի միջև աճող լարվածությունը նվազեցնելու համար: