2008 թվականի Օլիմպիական խաղերի արծաթե մեդալակիր Օքսանա Սլիվենկոն, ով հանդիսանում 69 կգ քաշային կարգում Լոնդոնի Օլիմպիական խաղերի չեմպիոնի հիմնական հավակնորդներից մեկը, վնասվածք է ստացել և բաց կթողնի ստուգատեսը։
Ռուսաստանի ծանրամարտի ֆեդերացիայի նախագահ Սերգեյ Սիրցովը հայտարարեց, որ Սլիվենկոյին կփոխարինի Նատալիա Զաբոլոտնայան։
«Տեղի է ունեցել փոփոխություն։ Սլիվենկոն չի մասնակցի օլիմպիադային, քանի որ վնասվածք է ստացել երեկ կայացած մարզման ժամանակ։ Կարող ենք ասել, որ զրկվեցինք մեդալից։ Նրա տեղը կզբաղեցնի Զաբոլոտնայան»։
Հիշեցնենք, որ 69 կգ քաշային կարգում հանդես կգա նաև Հայաստանի հավաքականի ներկայացուցիչ Մելինե Դալուզյանը, ով Սլիվենկոյի գլխավոր հակառակորդներից մեկն էր։
