Թուրքիայի վարչապետ Բինալի Յըլդըրըմը, ի պատասխան 2016-ին Թուրքիայում պետական հեղաշրջում իրականացնելու փորձի մեջ մեղադրվող և փախուստի մեջ գտնվող թուրք զինվորականին ազատ արձակելու որոշմանը, Հունաստանն անվանել է կացարան իր երկրի թշնամիների համար: Այդ մասին տեղեկացնում է ria.ru-ն:
Նախօրեին Հունաստանի դատարանը որոշում է ընդունել ազատ արձակել Սուլեյման Օզկայնակչիին, ով պետական հեղաշրջման փորձից հետո ուղղաթիռով երկիրը լքած ութ զինվորականներից մեկն է: Հունական ԶԼՄ-ների տվյալներով՝ մոտական օրերին ազատ կարձակվեն նաև մյուս զինվորականները, որոնք փախել են Հունաստան:
«Մեր հարևանի Հունաստանի այս որոշումը անընդունելի է և մեզ ցավ է պատճառում: Այն կացարան է դարձել Թուրքիայի թշնամիների համար, ինչը բացասաբար է ազդում մեր հարաբերությունների վրա: Մենք առաջվա պես կոչ ենք անում Թուրքիային հանձնել դավադրաբար հեղաշրջման փորձ կազմակերպողներին»,- ասվում է հայտարարության մեջ: