Մի շարք ցուցարարներ բերման են ենթարկվել ոստիկանության Երևան քաղաքի տարբեր ստորաբաժանումներ։ Կենտրոնական բաժնում են գտնվում 8 ցուցարար, ովքեր բերման են ենթարկվել խաղաղ նստացույցի ժամանակ։ Պետական համալսարանից կենտրոնական բաժին եկած ուսանողները նշեցին, որ բերման ենթարկվածները իրենց ընկերներն են, և առաջին անգամ չէ, որ ոստիկանները խաղաղ ցուցարարին բաժին են տանում, առանց որևէ պատճառաբանման։ Նրանց խոսքով՝ բացատրություն դեռևս չի տրվել։ Ոստիկանական բաժանմունքի տարածքում էր նաև շտապ օգնության ավտոմեքենան, ներկաները նշեցին, որ ցուցարարներից մեկը վնասվածք է ստացել, և բժիշկները զննում են նրան: