Ֆրանսիական վերլուծական «Ժան Ժորեսի հիմնադրամ» կենտրոնը պատրաստել է զեկույց, որից պարզ է դառնում, որ մոտ 4 մլն ֆրանսիացի կանայք՝ երկրի իգական սեռի բնակչության 12 տոկոսը, կյանքում գոնե մեկ անգամ ենթարկվել է բռնաբարության։
Իրենց պատմությամբ կիսվել ցանկացողները բարձրաձայնել են իրենց հետ տեղի ունեցածի մասին #balancetonporc հեշթեգի ներքո («Պատմիր խոզի մասին»)։
Հոլիվուդյան պրոդյուսեր Հարվի Վայնշտեյնի պատմությունը խթան է տվել ողջ աշխարհում բազմաթիվ արշավների, որոնց շրջանակում կանայք սկսել են պատմել սեռական բռնության իրենց դառը փորձի մասին։
Արշավը մեկնարկել է այն բանից հետո, երբ 2017 թվականի հոկտեմբերին հոլիվուդյան կինոմագնատին մեղադրել են բռնաբարությունների մեջ։
Հարցման նպատակը եղել է պարզելը, թե որքան տարածված է սեռական բռնության երևույթը Ֆրանսիայում։ Պարզվել է, որ ֆրանսուհիների 58 տոկոսը ստացել է անպատշաճ առաջարկներ, իսկ 43 տոկոսին դիպչել են առաց իրենց համաձայնության։