Հանգստյան օրերի նախօրեին Դոնալդ և Մելանյա Թրամփերը կրկին ենթարկվել են փորձության։ New Yorker –ը հրապարակել էր թարմ սկանդալային նյութ՝ նախագահի ենթադրյալ դավաճանության մասին։ Playboy-ի 46-ամյա նախկին աստղ Քարեն Մաքդուգալը հայտնել էր Թրամփի հետ իր կապերի մասին։ Սպիտակ տան մամլո ծառայությունը հերքել էր պատմությունը, սակայն ԱՄՆ առաջին տիկինն ուրբաթ հրաժարվել էր հետևել արարողակարգին։
Այդ օրը նախագահը տիկնոջ հետ պետք է ուղևորվել Ֆլորիդայի Փարքլենդ քաղաք, որտեղ միջնակարգ դպրոցներից մեկում օրերս հրաձգություն էր տեղի ունեցել՝ խլելով 17 մարդու կյանք։
Մելանյա և Դոնալդ Թրամփերը չեն չեղարկել այցը, սակայն միասին չեն հայտնվել Սպիտակ տան մարգագետնում, ինչպես սովորաբար տեղի է ունենում, երբ միասին ինչ-որ տեղ են ուղևորվում։ ԱՄՆ նախագահը միայնակ է ուղղաթիռ նստել։
Մելանյայի ներկայացուցիչը հայտարարել է, որ առաջին տիկինն ամուսնուց առաջ է ուղևորվել Էնդրյուս ավիաբազա։ Ամուսիններրը հանդիպել են արդեն ինքնաթիռում։
Սա առաջին անգամը չէ, երբ Մելանյան խախտում է արարողակարգը՝ ամուսնու անհավատարմության մասին մամուլում տեղեկությունների հրապարակումից հետո։
