Լուրեր
Էս խորհրդարանում սպանվել են ԱԺ նախագահն ու վարչապետը. Արամ Սարգսյանը հիշեց Վազգեն Սարգսյանին
  • 15:25
  • 2018-02-08
  • Դիտումներ՝ *

ԱԺ-ում այսօր՝ փետրվարի 8-ին, հրավիրվել է արտահերթ նիստ, և քննարկվում է Անվտանգության խորհրդի կազմավորման և գործունեության մասին օրենքի նախագիծը:

«Ելք» խմբակցության պատգամավոր Արամ Սարգսյանն իր ելույթում հայտարարեց, որ ԱԽ օրենքին ծանոթանալուց հետո հիշեց եղբոր հոդվածներից մեկը՝ «Հայի վերջին խելքը». «Ես պատահական չէ, որ հիշել եմ եղբորս. մենք պետք է հիշենք, որ այս խորհրդարանում սպանվել են ԱԺ նախագահն ու վարչապետը: Այդ ժամանակ ԱԽ նիստ է աշխատել, որը ղեկավարել է ՀՀ նախագահը»:

Նրա խոսքով՝ մենք պատերազմող երկիր ենք, վարչապետը Գերագույն գլխավոր հրամանատար է, Աստված մի արասցե, որ այդ վարչապետը պատերազմի դաշտում զոհվի, ով է խնդիրները բերելու ու քննարկելու. «Պետք է վերանայել այս ամեն ինչը»:

Արամ սարգսյանը համոզված է, որ չպետք է ՀՀ նախագահին զրկել ԱԽ նիստներին մասնակցելուց. «Եթե ուզում եք լեգիտիմ ԱԺ ունենալ, ապա ԱԺ խմբակցություններից էլ պետք է մեկական անդամ ունենաք, քանի որ անվտանգության հարցերում բոլորս էլ միասնական ենք աշխատում: Առաջին փոխվարչապետի պաշտոն եք սահմանել պատվերով, որ ինչ-որ մարդու չնեղացնեք»:

 

Մանրամասները՝ տեսանյութում:

  • Դիտումներ՝ *