Եթե ԿԲ-ն վերաֆինանսավորման տոկոսադրույքը բարձրացնի՝ այն կարող է որոշ չափով բերել գների կայունացմանը, բայց կունենանք նաև բացասական հետևանքներ։ Այդ մասին «Առաջին լրատվական»-ի հետ զրույցում ասաց «Արմենբրոկ» ներդրումային ընկերության գլխավոր տնօրեն, տնտեսագետ Արամ Կայֆաջյանը։
«Կարող է ֆինանսական գործիքների տոկոսադրույքները բարձրանան, որի արդյունքում պետությունը՝ ֆինանսների նախարարությունը, նոր պարտատոմսերի թողարկում իրականացնի ավելի բարձր տոկոսադրույքներով, արդյունքում ծախսը կմեծանա բյուջեի կողմից և այլ բազմաթիվ բաներ։
Փողի արժեքն է մեծանում, հնարավոր է, որ վարկերի, դրամային վարկերի տոկոսադրույքները մեծանան։ Կարող է շատ ուղղակի ազդեցություն լինել միայն կտրուկ տատանումների դեպքում։ Բայց դեռ այս պահին կտրուկ փոփոխություններ չեն սպասվում։ Իմ սուբյեկտիվ կարծիքով՝ հնարավոր է տարվա ընթացքում 1-3 անգամ տոկոսադրույքի փոփոխություն՝ յուրաքանչյուրը 0․25 տոկոսի շրջանակներում»,- ասաց Կայֆաջյանը։
Ըստ նրա՝ եթե գնաճը փորձեն շատ նվազեցնեն, ապա այն ազդեցություն կունենա տնտեսական ցուցանիշի, աճի վրա։ «Ավելի համարձակ պետք է լինել գնաճային երևույթների ընթացքում, ոչ թե զգայուն։ Հիմա զգայունություն է դրսևորվում՝ հաշվի առնելով աղքատության բարձր մակարդակը։ Այսպիսի զգայունությունը կարող է բացասական սպասումներ առաջացնել»,- ասաց տնտեսագետը։
Մանրամասները՝ տեսանյութում։