Ֆրանսիական Keecker սթարթափն ԱՄՆ շուկայում ներկայացրել է համանուն ռոբոտ-օգնական: Սարքն ունի գնդաձև կորպուս և անիվներ տեղաշարժվելու համար, հայտնում է Cnet-ը:
Հեղինակների խոսքով՝ Keecker-ը հիշեցնում է «Աստղային պատերազմների» ընկերասեր R2D2 դրոիդին: Դիվայսն ունի տեսախցիկների, բարձրախոսների և սենսորների համակարգ, որոնք հնարավորություն են տալիս կողմնորոշվել տարածության մեջ և շրջապատը տեսանկարահանել: Ռոբոտը ներդրված պրոյեկտոր ունի, որի միջոցով կարող է պատկերներ և տեսանյութեր պրոյեկտել ցանկացած հարթ տարածության վրա: Այն նաև տնային կինոթատրոն ունի:
Keecker-ն արձագանքում է տերերի հրամաններին, կարողանում է հսկել տունը, պատասխանել որոնողական հարցումներին, երաժշտություն և հեռուստահաղորդումներ հեռարձակել: Սարքը ինտեգրում ունի Google և Alexa ձայնային ծառայություններին: Ռոբոտի միջոցով նաև կարելի է տեսազանգ կատարել: Այն կարողանում է ինքնուրույն վերալիցքավորման միանալ և կենդանի զարթուցիչի դեր կատարել: Keecker-ի «ուղեղի» համար պատասխանատու է Qualcomm Snapdragon 820 Quad Core պրոցեսորը:
Ռոբոտն առայժմ լայն վաճառքի չի հանվել, այն կարելի է նախապես պատվիրել: Հիմնարար տարբերակի Keecker-ը 1790 դոլար կարժենա:
