ԱՄՆ-ը շարունակում է անհանգստություն հայտնել Ռուսաստանից Թուրքիայի կողմից С-400-ների ձեռքբերման վերաբերյալ: Այս մասին հայտարարել է ԱՄՆ պետքարտուղարի Եվրոպայի և Եվրասիայի հարցերով օգնական Ուես Միթչելը:
«Թուրքիայի հետ կապված ընդհանրապես, հիմա մեր ամենամեծ անհանգստություններից է վարքը, որը մենք տեսնում ենք վերջին օրերին, հատկապես մեր վարձած (ԱՄՆ դիվանագիտական առաքելություններում աշխատելու համար) տեղի անձնակազմի հանդեպ: Մենք շարունակում ենք աշխատել Թուրքիայի հետ որպես դաշնակցի, և շարունակում ենք անհանգստություն հայտնել շատ ոլորտներում, ներառյալ՝ С-400-ները… Դա թուրքերի հետ մեր խոսակցությունների մաս է»,- ասել է նա միջազգային հարցերով Սենատի կոմիտեի լսումների ժամանակ ելույթում:
Ավելի վաղ Թուրքիայի նախագահ Ռեջեփ Թայիփ Էրդողանը Ռուսաստանի նախագահ Վլադիմիր Պուտինի հետ բանակցությունների արդյունքում հայտարարել է, որ Թուրքիան այս շաբաթվա ընթացքում կորոշի Ռուսաստանից С-400 զենիթա-հրթիռային համալիրների մատակարարման հարցը:
