Թուրքիայի բոլոր նահանգներում կանցկացվեն բողոքի զանգվածային ակցիաներ՝ ընդդեմ ԱՄՆ-ի կողմից Երուսաղեմն Իսրայելի մայրաքաղաք ճանաչելու, գրում են թուրքական ԶԼՄ-ները։
Նշվում է, որ բողոքի ակցիաները կսկսվեն ուրբաթօրյա աղոթքից անմիջապես հետո։
Ստամբուլում և Անկարայում ակցիաներ կանցկացվեն նաև ԱՄՆ-ի դեսպանության ու գլխավոր հյուպատոսության մոտ։
Հիշեցնենք, որ ԱՄՆ նախագահ Դոնալդ Թրամփը չորեքշաբթի հայտարարել էր Երուսաղեմն Իսրայելի մայրաքաղաք ճանաչելու մասին։