Թուրքիայի նախագահ Ռեջեփ Թայիփ Էրդողանը Հունաստան կայցելի այս տարվա դեկտեմբերի 7-8-ը, ասվում է Թուրքիայի նախագահական գրասենյակի մամլո հաղորդագրությունում։
Հունաստան այցի շրջանակում նախագահ Էրդողանը մի շարք կարևոր հանդիպումներ կանցկացնի այդ երկրի պաշտոնական ներկայացուցիչների հետ։
«Թուրքիայի նախագահի՝ Հունաստան այցի շրջանակում հիմնականում կքննարկվեն Անկարայի և Աթենքի միջև տնտեսական և քաղաքական հարցերը»,-ասվում է հաղորդագրությունում։
Ավելի վաղ Թուրքիայի փոխվարչապետ Հաքան Չավուշօղլուն ասել էր, որ Էրդողանի այցը Հունաստան հանդիսանում է կարևոր երկու երկրների պատմության մեջ, քանի որ վերջին 65 տարիներին Թուրքիայի ոչ մի նախագահ չի այցելել Հունաստան։
Հիշեցնենք, որ Թուրքիան ու Հունաստանը տարաձայնություններ ունեն Կիպրոսի հարցով։
Վերջին անգամ 1952 թվականին Աթենք է այցելել Թուրքիայի նախագահ Ջելալ Բայարը։