Մոսկվայի «Արարատ»-ի գլխավոր մարզիչ Ալեքսանդր Գրիգորյանը մեկնաբանել է «Արարատ» – «Խաբարովսկ» հանդիպման արդյունքները և իր հասցեին հնչեցված վիրավորանքները։
«Հանդիպման առաջին խաղակեսում «Խաբարովսկ»-ն առավելություն ուներ, սակայն արդեն երկրորդ խաղակեսում մրցակիցները թույլ տվեցին մեզ շարժվել մեր պլանավորած սխեմայով, և մենք կարողացանք բացել խաղի հաշիվը։ Հակառակորդի խաղային մակարդակը թուլյ չտվեց, որ խաղանք այնպես ինչպես կարող էին։ «Խաբարովսկ»-ը արժանի էր խաղթանակի։ Իսկ ինչ վերաբերվում է երկրպագուներին, չեմ հասկանում՝ ինչու՞ նրանք ինձ այդպես վերաբերվեցին։ Ես գլխավորեցի «Խաբարովսկ»-ը, երբ ակումբը մրցաշարային աղյուսակի վերջին տեղում էր։ Մենք տիտանական ուժով կարողացանք ակումբը վեր հանել և հաջորդ տարի արդեն 3-րդ տեղում էինք։ Ակումբի հաջողության գրավականը ես եմ եղել։ Միայն մեկ բան կասեմ, այն մարդկանց, ովքեր վիրավորեցին ինձ․ կանցնի ժամանակ և ակումբի պատմության մեջ կգրվի «Ակումբի ամենահաջողակ մարզիչը՝ Գրիգորյանն է»։ Հնարավոր է նաև, որ երկրպագուները հատուկ դրված մարդիկ են եղել, որոնք միտումնավոր վիրավորել են ինձ։ Միայն անասունը և ապերախտ խոզը կարող է վիրավորել այն մարզչին, առանց որի ակումբը կարող էր 2-րդ դիվիզիոն գլորվել»-, ասել է Մոսկվայի «Արարատ»-ի գլխավոր մարզիչ Ալեքսանդր Գրիգորյանը:
