Թուրքիայի նախագահ Ռեջեփ Թայիփ Էրդողանը քննադատել է ԱՄՆ-ին իր թիկնազորին զենք վաճառելուց հրաժարվելու համար՝ հիշեցնելով, որ ԱՄՆ-ն անվճար զինում է սիրիացի քրդերի ինքնապաշտպանական ուժերը, որոնց Անկարան համարում է ահաբեկչական։
Ավելի վաղ AP գործակալությունը հայտնել էր, որ ԱՄՆ նախագահ Դոնալդ Թրամփի վարչակազմը չեղարկել է 1.2 մլն դոլարի զենքի վաճառքը՝ ի պատասխան Էրդողանի թիկնազորի գործողությունների, որը մայիսին Էրդողանի՝ Վաշինգտոն այցի ժամանակ ընդհարվել էր ցուցարարների հետ։
«Մինչդեռ մենք չենք կարողանում գնել այդ զենքն ԱՄՆ-ից, ինչու՞ է այն անվճար տրվում Սիրիայում ահաբեկչներին»,-ասել է Էրդողանը, ով այցով գտնվում է ԱՄՆ-ում։ Նա նշել է, որ եթե չստանա այդ հարցին պատասխան, ափսոսանք կապրի որպես ԱՄՆ-ի ռազմավարական գործընկեր։