Օգոստոսի 28-ից ԵԱՀԿ Մինսկի խմբի նոր մշտական համանախագահ կդառնա Էնդրյու Շեֆերը։ Այս մասին Վաշինգտոնում հայտարարել է ԵԱՀԿ Մինսկի խմբի ամերիկացի ժամանակավոր համանախագահ Ռիչարդ Հոգլանդը։
«Շատ ուրախ եմ հայտնելու, որ երկուշաբթի օրվանից համանախագահ կլինի Էնդրյու Շեֆերը։ Նա շատ փորձառու ամերիկացի դիվանագետ է։ Շեֆերը զբաղեցրել է Վիեննայի միջազգային կազմակերպություններում ԱՄՆ առաքելության հավատարմատարի պաշտոնը»,-հավելել է նա։
«Նա ունի իրական փորձ Կիպրոսի և այլ հակամարտությունների կարգավորման գործում, կարծում եմ՝ Պետդեպն ու պետքարտուղարն ընտրել են փայլուն համանախագահ»,-ասել է Հոգլանդը:
Նոր համանախագահն այժմ տիրապետում է ղարաբաղյան հակամարտության կարգավորման գործընթացի հետ կապված ամբողջական տեղեկատվությանը և պատրաստ է ստանձնել պարտականությունները, եզրափակել է Հոգլանդը։